दुई दिनअघि झाँक्री प्रकाश भुजेलले चलाएको गाडीको ठक्करका कारण ज्यान गुमाएका नारायण नगरकोटीको शव उठ्न सकेको छैन् । बुधवार शंकरापुर( ९, इन्द्रायणीमा भुजेलले चलाएको गाडीले ठक्कर दिँदा कागेश्वरी मनहरा( २ आलापोटका ३८ वर्षीय नगरकोटीको ग्राण्डी अस्पतालमा उपचारका क्रममा निधन भएको थियो ।

दुर्घटनामा घाइते भएकी उनकी पत्नी ३२ वर्षीया सानुमाया नगरकोटीलाई सोही अस्पतालमा भेन्टिलेटरमा राखेर उपचार भइरहेको छ । तरयता मृतक परिवारसँग आर्थिक लेनदेनको कुरा नमिल्दा शव उठ्न नसकेको बताइएको छ । प्रहरीले मृतकको परिवारसँग शव बुझ्नका लागि आग्रह गर्दा चालक भुजेलले मृतक र घाइतेलाई ‘यथोचित’ क्षतिपूर्ति दिनुपर्ने माग गरेका थिए । भुजेलले १५ देखि २० लाख रूपैयाँसम्म क्षतिपूर्ति दिन चाहेका छन् । तर, मृतकको परिवारले १ करोड माग गरेपछि शब उठ्न सकेको छैन् । ‘पीडित ९मृतक० पक्ष प्रतिव्यक्ति ५० लाखभन्दा घट्न मञ्जुर भएको छैन् ।

भेन्टिलेटरबाट दिइएको कृत्रिम श्वासप्रश्वासका कारणमात्र पत्नी सानुमाया जीवित रहेको भन्दै उनलाई पनि मृतकसरह क्षतिपूर्ति दिनुपर्ने माग पीडित पक्षले गरेको छ ।सवारी तथा यातायात ऐन २०४९ अन्तर्गत चल्ने सवारी ज्यान मुद्दामा मृतकका परिवारलाई पाँच लाख ५० हजार रुपैयाँसम्म जरिवाना दिनुपर्ने व्यवस्था छ । ऐनअनुसार घाइतेको सबै उपचार खर्च व्यहोर्नुपर्छ ।‘कुन दफाअन्तर्गत भुजेललाई मुद्दा चलाउने भन्ने कुरा उपलब्ध प्रमाणहरुको अध्ययनपछि मात्रै भन्न सकिने प्रहरीको भनाइ रहेको छ । नारायण नगरकोटी पूर्वमाओवादी लडाकु हुन् । नगरकोटी दम्पत्तिका १४ र ६ वर्षिया दुई छोरी छन् ।

यदि लापरवाह तरिकाले सवारी साधन चलाएको पाइएमा उपदफा २ आकर्षित हुन्छ, जसअन्तर्गत बढीमा १० वर्षसम्मको कैद सजाय तोकिएको छ । यदि नियतवस दुर्घटना गराइएको भन्ने कुरा कुनै प्रमाणले खुलेमा दफा १६१ को उपदफा १ आकर्षित हुने व्यवस्था छ । त्यसअन्तर्गत बढीमा २० वर्षसम्म कैद सजाय तोकिएको छ ।