झापा- सशस्त्र प्रहरी बल नेपालले आज झापाको कचनकबल गाउँपालिकाबाट रु १२ लाख २० हजार मूल्यको अवैध सामान बरामद गरेको छ ।अवैध रुपमा भन्सार छली गरी सामान ल्याएको सूचनाका आधारमा कचनलकबल गाउँपालिका–६ का ४० वर्षीय नमाज खातुनको घरबाट ६ पोका लत्ताकपडा बरामद गरिएको सशस्त्र प्रहरी नायब उपरीक्षक मदनकुमार रसाईलीले जानकारी दिनुभयो ।

सीमामा हुने अवैध चोरी निकासी तथा पैठारी जस्ता जघन्य गतिविधि नियन्त्रण गर्न सशस्त्र प्रहरी बल सक्रिय भएर लागिपरेको उहाँले बताउनुभयो । बरामद गरिएको लत्ताकपडा  भन्सार कार्यालयलाई बुझाइएको छ ।