अमेरिकी दुतावासले सन्दीपलाई दिएन भिसा

क्रिकेटर सन्दीप लामिछाने आइसीसी टी –२० विश्वकप खेल्नबाट रोकिने अवस्था सिर्जना भएको छ । विश्वकप क्रिकेट खेल्नका लागि अमेरिका जाने तयारीमा रहेका लामिछानेलाई अमेरिकी दुतावासले भिसा दिन अस्वीकार गरेको छ । नेपाल क्रिकेट संघ क्यानले उनलाई अमेरिका पठाउन सबै प्रकृया अघि बढाइएको बताइँरहँदा दुतावासले उनलाई भिसा दिन इन्कार गरेको हो ।
उनले यसबारेमा जानकारी दिँदै सामाजिक संजालमा लेखेका छन्, ‘उनीहरूले अमेरिका र वेस्ट इन्डिजमा हुने विश्वकपको लागि मेरो भिसा अस्वीकार गरे । दुर्भाग्य। नेपाल क्रिकेटका सम्पुर्ण शुभेच्छुकहरुमा माफी चाहन्छु ।’

यसउसंगै विश्वकप क्रिकेटमा समर्थक तथा क्रिकेट पारखीले सन्दीपलाई देख्न पाउने संभावना क्षिण हुँदै गएको छ । बालिका बलात्कार मुद्धामा केही दिनअघिमात्रै उच्च अदालत पाटनबाट सफाई पाएका लामिछानेलाई आइसीसी टि–२० विश्वकप खेल्न बाटो खुलेको थियो । बलातकार मुद्धामा जिल्ला अदालतले सजाय तोकेपनि उच्चले उक्त फैसला उलटाएको थियो । उनीविरुद्ध मुद्धा दर्ता भएपछि क्यानले उनलाई निलम्बन गरेको थियो । तर, उच्च अदालतबाट सफाई पाएपछि उक्त निलम्बन फुकुवा गरी अमेरिका पठाउन तयारी गरिरहेको बेला अमेरिकी दुतावासले उनलाई भिसा दिन इन्कार गरेको हो ।

सम्बन्धित समाचार

सबै