ढुङ्गा लागेर मृत्यु भएका मजदुरको परिवारलाई ३० लाख प्रदान गर्ने सहमति

11 Shares

दमौली (तनहुँ-ऋषिङ गाउँपालिका–१ झापुटारस्थित तनहुँ जलविद्युत् आयोजनाको सुरुङमार्गभन्दा बाहिर काम गर्ने क्रममा ढुङ्गा लागेर मृत्यु भएका मजदुरको परिवारलाई राहत दिने सहमति भएको छ । ढुङ्गा लागेर मृत्यु भएका सोही वडाको मालिङ्गा बस्ने ५० वर्षीय कृष्णबहादुर पुलामीको परिवारलाई रु ३० लाख प्रदान गर्ने सहमति भएको हो । पीडित परिवार र जलविद्युत् आयोजनाबीच बीमा रकमबापत रु १० लाख र हाइड्रोपावरका तर्फबाट रु २० लाख गरी रु ३० लाख प्रदान गर्ने सहमति भएको हो ।

आयोजनाको प्याकेज २ अन्तर्गतको सिनो हाइड्रोपावरले मृतकका छोरीलाई आयोजनामा योग्यता अनुसारको रोजगारी दिने सहमति भएको आयोजना प्रमुख श्यामजी भण्डारीले जानकारी दिनुभयो । उहाँले भन्नुभयो, “प्याकेज २ को ठेक्का पाएको कम्पनीले पीडितका परिवारलाई राहत दिने सहमति गरेको हो ।”

सम्बन्धित समाचार

सबै