बागमती प्रदेश सरकारबाट बाहिरियो एमाले

10 Shares

बागमती । नेकपा एमाले बागमती प्रदेश सरकारबाट बाहिरिएको छ सोमबार नेकपा एमालेका मन्त्रीहरुले मुख्यमन्त्री शालिकराम जम्कट्टेललाई सामूहिक रुपमा राजीनामा बुझाएका हुन् ।

एमाले संसदीय दलका नेता एवम् आर्थिक मामिला तथा योजना मन्त्री जगन्नाथ थपलिया, वन तथा वातावरण मन्त्री केशवप्रसाद पोखरेल, स्वास्थ्य मन्त्री रामेश्वर श्रेष्ठ, खानेपानी ऊर्जा तथा सिँचाइ मन्त्री एकालाल श्रेष्ठ र उद्योग वाणिज्य भूमि तथा प्रशासन मन्त्री प्रकाश श्रेष्ठले मुख्यमन्त्री जम्कट्टेललाई राजीनामा बुझाएका हुन् ।

एमालेका मन्त्रीको राजीनामासँगै माओवादी नेतृत्वको सरकार अल्पमतमा परेको छ । यसअघि नेकपा एमालेले लुम्बिनी र सुदूरपश्चिम प्रदेश सरकारलाई दिएको समर्थन फिर्ता लिइसकेको छ ।

केन्द्रमा नेपाली कांग्रेस र एमालले राष्ट्रिय सहमतिको सरकार गठनका निम्ति सहमति गरेसँगै त्यसको प्रभाव प्रदेश सरकारमा परेको हो ।

सम्बन्धित समाचार

सबै