अल्जेरियाको मरुभूमिमा १२ जना सिरियाली आप्रवासीसहित १४ जनाको शव फेला

13 Shares

अल्जेरियाको दक्षिणी मरुभूमि प्रान्त इलिजीमा १२ जना सिरियाली आप्रवासीसहित १४ जना मृत फेला परेका छन् ।बेपत्ता अन्य पाँच जनाको खोजी कार्य जारी रहेको अल्जेरियास्थित सिरियाली दूतावासका अनियमित आप्रवासन प्रमुख बसेम फारुखले बताउनुभयो । “पीडितहरू मङ्गलबार लिबियाबाट आएका थिए । उनीहरू मरुभूमिमा हराएपछि शनिबार मृत फेला परेका थिए”, उहाँले भन्नुभयो ।

अल्जेरियाको मरुभूमिमा हराएका मानिसहरूलाई उद्धार गर्ने काम गर्ने गैरसरकारी संस्था सर्च एन्ड रेस्क्यू एसोसिएसनले आप्रवासीहरूलाई फेला पारेको हो ।

एसोसिएसनले मृत्यु हुनेमा दुई अल्जेरियाली र १२ सिरियाली नागरिक भएको बताएको छ । मृत्यु हुनेमा एक १० वर्षीय र एक १६ वर्षीय किशोर छन् ।

फारुखले लिबियाका अधिकारीहरूलाई दोष दिनुभएको छ । उहाँका अनुसार उनीहरूले आप्रवासीहरूलाई निष्कासन गरेर अल्जेरियाबाट भाग्न प्रेरित गरे । “हामीले अन्य सिरियालीहरूलाई यसैगरी लिबिया छोडेर अल्जेरियातर्फ गएका देख्नेछौँ र हामीले आफूलाई थप प्रकोपहरूको लागि तयार गर्नुपर्छ”, उहाँले भन्नुभयो ।

सन् २०१६ मा २२ सिरियालीको अल्जेरियाली सेनाले उद्धार गर्नुअघि छिमेकी नाइजरबाट प्रवेश गरेपछि अल्जेरियाको मरुभूमिमा हराएका थिए ।संयुक्त राष्ट्रसङ्घीय शरणार्थी एजेन्सी युएनएचसिआरका अनुसार सिरिया विश्वको सबैभन्दा ठूलो विस्थापन सङ्कट बनेको छ ।

अरब वसन्त विद्रोहका बीच राष्ट्रपति बसर अल–असदका सेनाबीच विपक्षी समूहहरूमाथि हिंसात्मक रूपमा आक्रमण गर्दा सन् २०११ देखि यो देश युद्धले ग्रस्त छ ।सिरियाको अर्थतन्त्र र पूर्वाधारमा गम्भीर क्षति पुगेको यस युद्धले पाँच लाखभन्दा बढी मानिसको ज्यान लिइसकेको र लाखौँलाई आफ्नो घर छोड्न बाध्य पारेको छ ।

सम्बन्धित समाचार

सबै