थाई माछा मार्ने डुङ्गाका ३० भन्दा बढी चालक दलका सदस्यहरूलाई शनिबार म्यानमाको जहाजहरूसँगको भिडन्तपछि हिरासतमा लिइएको थियो । उक्त भिडन्तमा एक व्यक्तिको मृत्यु भएको नौसेना कमाण्डरले जानकारी दिनुभयो ।

दक्षिणी प्रान्त रानोङका नौसेना कमाण्डर सुवात डोन्साकुलले भन्नुभयो,“एक थाई माछा मार्ने व्यक्ति डुबेको र ३१ जनालाई म्यानमा लगिएको छ । उनीहरूलाई कसले हिरासतमा राखेको छ भनी बताएको छैन ।”

शनिबार घटना भएको बेला म्यानमाको जलक्षेत्रमा धेरै थाई माछा मार्ने डुङ्गा चलिरहेको सुवतले बताउनुभयो ।
“मृतकले आक्रमणको क्रममा पानीमा हाम फाले,” उहाँले थप्नुभयो ।

सुवतले स्थानीय अधिकारीहरूलाई म्यानमाका समकक्षहरूसँग वार्ता गर्न निर्देशन दिएको बताउनुभयो ।थाइल्यान्डको परराष्ट्र मन्त्रालयका प्रवक्ताले भन्नुभयो,“उनीहरुको रिहाई सुरक्षित गर्न म्यानमा पक्षसँग पनि वार्ता हुनेछ ।”
थाइल्याण्डको माछापालन विभागको वेबसाइटमा रहेको सूचना अनुसार थाई माछा मार्ने डुङ्गाहरू अवैध रूपमा म्यान्माको पानीमा चलिरहेका छन् । यसले दुई देशबीच तनाव बढाएको छ ।