काठमाडौं । साताको पहिलो दिन आइतबार शेयर बजार नेप्से दोहोरो अंकले घटेको छ । आइतबार नेप्से ११.०६ अंकले घटेको हो ।

आज १ करोड ९९ लाख ९२ हजार कित्ता शेयर ९ अर्ब १३ करोड ७४ लाख १४ हजार ९१८ रुपैयाँमा कारोबार भएको छ । आज दुई कम्पनीको शेयर सकारात्मक सर्किट लेभलमा कारोबार भयो। रिभर फल्स र पियोर इनर्जीको शेयर सकारात्मक सर्किट लेभलमा कारोबार भयो ।

चिलिमे हाइड्रोपावर र छ्यांदी हाइड्रोपावरको शेयर ८ः०१ ÷८ः०१ अंकले बढ्दा हिमालयन पावरको ७.९५ प्रतिशतले बढ्यो। यसदिन ओम मेघाश्री फरमाक्युटिकल्सका लगानीकर्ताले सर्वाधिक गुमाए। सो कम्पनीको शेयर १० प्रतिशतले ओरालो लाग्यो ।

कारोबार रकमका आधारमा राधी विद्युत शीर्ष स्थानमा रह्यो। सो कम्पनीको ७२ करोड ९५ लाख मूल्य बराबरको शेयर कारोबार भयो। युनिभर्सल पावरले ६२ करोडको शेयर कारोबार गर्दा नगदी ग्रुपको ६१ करोड, बुटवल पावरको ४४ करोड र सानिमा माइ हाइड्रोपावरको ४४ करोडको शेयर कारोबार भयो ।