काठमाडौं । प्रतिनिधिसभाको बैठक बुधबारसम्मका लागि स्थगित भएको छ । आधा घण्टाका लागि स्थगित भएको बैठक दलहरूबीच सहमति नजुटेका कारण बुधबारसम्मका लागि स्थगित भएको हो ।

अर्को बैठक बुधबार दिउँसो १ बजेका लागि बोलाइएको । यसअघि मंगलबारको संसद् बैठक आधा घण्टाका लागि स्थगित गरिएको थियो । निर्धारित समयभन्दा करिब साढे १ घण्टापछि सुरु भएको बैठकमा विपक्षी दलका सांसदहरुले उठेर विरोध गरेपछि केहीबेरमै आधा घण्टाका लागि स्थगित भएको थियो ।

भिजिट भिसा प्रकरणमा गृहमन्त्रीको राजीनामा माग्दै विपक्षी दलहरुले सदन अवरुद्ध गर्दै आएका छन् । जसका कारण बजेटमाथिको छलफलसमेत सुरु हुन सकेको छैन ।