आगामी बजेटमा नवीनतम् कार्यमा युवालक्षित बजेट ल्याइनेछ – मन्त्री श्रेष्ठ

4 Shares

काभ्रेपलाञ्चोक – युवा तथा खेलकुदमन्त्री विराजभक्त श्रेष्ठले आगामी बजेटमा नवीनतम् कार्यमा युवालक्षित बजेट ल्याइने बताउनुभएको छ । काभ्रेपलाञ्चोकको धुलिखेलस्थित काठमाडौँ विश्वविद्यालय (केयू)मा आयोजित ‘बे्रन ड्रेन भरर्सेज गेन’ ः नेपालमा युवा लागि शिल्प अवधारणाका रणनीतिहरु’ विषयक अन्तरक्रिया कार्यक्रमलाई सम्बोधन गर्दै उहाँले बजेटमा ‘वातावरण र आर्ट’को योजनामार्फत युवालाई ‘इनोभेटिभ’ कार्यमा लगाइने छ भन्नुभयो ।

“आउँदो बजेटमा इनोभेटिभ कार्यमा युवालक्षित बजेट ल्याइनेछ,” मन्त्री श्रेष्ठले भन्नुभयो, “यसका लागि बजेटमा वातावरण र आर्टको योजनामा छलफलको आवश्यकता छ ।” आगामी बजेटमा वातावरण र आर्ट विषयक योजनाका लागि युवा वर्गले ‘प्रपोजल’ बनाउन उहाँले आग्रह गर्नुभयो । “अहिलेको युवा सर्कल टेक्नोलोजिकल्ली क्रियटिभ हुनुपर्छ,” उहाँले थप्नुभयो ।

मन्त्री श्रेष्ठले जलवायु परिवर्तन र वातावरण वर्तमान युवा पुस्ताको चुनौती भएकाले यसलाई मूल मुद्दाका रुपमा लिइनुपर्ने बताउनुभयो । “जलवायु परिवर्तन र वातावरण हाम्रो मूल मुद्दा हो, यसलाई चुनौती र अवसरका रुपमा लिनुपर्छ,” उहाँले भन्नुभयो । नयाँ प्रविधि मात्र हैन, इनोभेसनका समस्यालाई नयाँ तरिकाले समाधान गर्ने प्रविधिमा लाग्न युवा वर्गप्रति उहाँको आग्रह थियो ।

मन्त्री श्रेष्ठले फरक प्रसङ्गमा नेपालको नयाँ व्यवस्थामा धेरै काम गर्न बाँकी रहेकाले सकारात्मक सोचपूर्वक धैर्यताको खाँचो औँल्याउनुभयो । उहाँले भन्नुभयो, “देशको वर्तमान परिस्थिति र राजनीतिक गर्दा तेस्रो मुलुकमा बसाइँ सर्नुपरेको कारण हो भने यसलाई गम्भीरतापूर्वक सोच्नुपर्छ र युवा वर्गलाई आत्मनिर्भरतासँगै आत्मसम्मान दिनुपर्छ ।”

कार्यक्रममा नेपाल कम्युनिष्ट पार्टी (एकीकृत समाजवादी)को सचिव रामकुमारी झाँक्रीले विदेशिने अर्थात् तेस्रो मुलुकमा बसाइँसराइ विश्वको समस्या भएकाले आत्तिइहाल्नुपर्ने विषय नभएको दाबी गर्नुभयो । “गुणस्तरीय शिक्षाका नाममा श्रमशक्ति बाहिरिने गर्दछन्, विश्वको यो समस्याको कारकतत्व भनेको हाइस्ट्यान्डर्ड जीवनशैलीमा परिवर्तननै हो,” पूर्वमन्त्रीसमेत रहनुभएका झाँक्रीले भन्नुभयो ।

केयूका उपकुलपति प्राडा भोला थापाले विदेशमा पढेर आएकाको समूह बटुलेर नै काठमाडौँ विश्वविद्यालय सञ्चालनमा आएको स्मरण गर्दै विदेशिएकाले नेपाल फर्केर योगदान गर्नुपर्ने तर्क राख्नुभयो । उहाँले भन्नुभयो, “त्यसरी फर्केर आएकाले नेपालमा क्रमशः योगदान पु¥याउँदै जाँदा नयाँ पुस्तामा नेपालप्रति आशा जाग्नेछ ।”

सो अवसरमा श्रम रोजगार तथा सामाजिक विकास मन्त्रालयका सहसचिव राजीव पोखरेलले नेपाली श्रम बजारमा प्रतिवर्ष सरदर पाँच लाख जनशक्ति आउने गरेकाले नागरिकको रोजगारीको हकअनुसार आन्तरिक रोजगारी सृजना गर्नुपर्ने आवश्यकता औँल्याउनुभयो । नेपाल उद्योग वाणिज्य महासङ्घका वरिष्ठ उपाध्यक्ष अन्जन श्रेष्ठले नेपालमा विषयगतरुपमा उत्पादित जनशक्तिलाई आफ्नो श्रम उपयोग गर्न सरकारलाई सुझाव दिनुभयो ।

सम्बन्धित समाचार

सबै