बागमतीमा सुरु भयो श्रमाधान रोजगार मेला

ललितपुर । बेरोजगार युवालाई रोजगारमा जोड्ने गरी ललितपुरमा मंगलबारदेखि बागमती प्रदेश श्रमाधान रोजगार मेला सुरु भएको छ । ललितपुरस्थित पाटन बहुमुखी क्याम्पसमा आयोजना गरिएको रोजगार मेलाको विज्ञान प्रविधि मन्त्री सुमना श्रेष्ठ, बाग्मती प्रदेशका श्रम रोजगार तथा यातायात मन्त्री लक्ष्मण लम्साल र ललितपुर महानगरका प्रमुख चिरिबाबु महर्जनले संयुक्त रुपमा उद्घाटन गरेका हुन् ।

उद्घाटन कार्यक्रममा मन्त्री श्रेष्ठले श्रमको खोजीमा रहेका युवाका लागि श्रमाधान रोजगार मेला महत्वपूर्ण हुने बताइन् । यस कार्यक्रम रोजगारी सिर्जनाका लागि धेरै प्रभावकारी भएको भन्दै यस्ता कार्यक्रमलाई विश्वविद्यालयमा लैजाने गरि मन्त्रालयले तयारी गरिरहेको उनले जानकारी दिईन् ।

स्वदेशमै रोजगारी गर्न चाहने युवालाई आर्थिक र सामाजिक रुपमा स्थापित गराउन सहयोग गर्ने उद्देश्यले श्रमाधान रोजगार मेला आयोजना गरिएको हो । मेलाको संयोजन नेपाल उद्योग वाणिज्य महासंघ, नेपाल उद्योग परिसंघ, नेपाल चेम्बर अफ कमर्स, होटल एशोसियसन नेपाल, नेपाल तालिम तथा रोजगार व्यवसायी, नेपाल घरेलु तथा साना उद्योग महासंघले गरेका छन् भने मेलामा ८० वटा निजी तथा सरकारी क्षेत्रका रोजगार कक्ष रहेका छन् ।

सम्बन्धित समाचार

सबै