काठमाडौँ / नेकपा एमालेका उपमहासचिव प्रदीप ज्ञवालीले आफूहरुले अथक प्रयास गर्दा पनि अभियान सफल बनाउन नसकेको बताउनुभएकाे छ ।

गुल्मी १ बाट कांग्रेसका चन्द्र भण्डारीसँग पराजित भएपछि उहाँले प्रतिकूल परिणामको जिम्मेवारी आफ्नो काँधमा लिने बताउनुभयाे ।

उहाँले आफूलाई निर्वाचनमा सहयोग गर्नेलाई धन्यवाद दिँदै फेशबुकमा लेख्नुभएकाे छ, ‘अथक प्रयासका बाबजुद हाम्रो अभियान सफल हुन सकेन । तपाईंहरूको विश्वासलाई मत परिणाममा बदल्न नसकेकोमा क्षमा चाहन्छु । प्रतिकूल परिणामको जिम्मेवारी म मेरै काँधमा लिन्छु । कहाँ कमीहरु रहन गए, समयक्रममा समिक्षा हुने नै छ ।’

उहाँले आफू संसद भवन भित्र पुग्न नसके पनि मुलुक र आन्दोलनको उज्ज्वल भविष्यप्रति निरन्त काम गर्ने बताउनुभएकाे छ ।

‘ओराली र उकाली यात्राका अभिन्न अङ्ग हुन् भने सफलता र विफलता जिन्दगीका अविभाज्य हिस्सा म संसद भवन भित्र पुग्न नसके पनि मुलुक र आन्दोलनको उज्ज्वल भविष्यप्रति ममा कुनै सन्देह छैन। यस परिणामलाई मैले स्थितप्रज्ञ भावले ग्रहण गरेको छु’ उहाँको भनाइ छ।

वैधानिक रुपमा जनप्रतिनिधिको भूमिकामा नरहे पनि जनताको मनको प्रतिनिधिका रुपमा दुःख सुखमा साथ दिने प्रतिवद्धता गर्नुभएकेा छ । उहाँले राष्ट्र र जनताको हितलाई केन्द्रमा राखेर जिल्लाको समग्र विकास र जिल्लावासीहरुको सेवामा समर्पित हुने उहाँको भनाइ छ।

YouTube0
YouTube
RSS
Follow by Email