नेपाली कांग्रेसले आज पत्रकार सम्मेलन गर्दै

काठमाडौं / नेपाली कांग्रेसले आज पत्रकार सम्मेलन गर्दैछ ।

बुधबार दिउँसो ३ बजे केन्द्रीय कार्यालय, सानेपामा पत्रकार सम्मेलन गर्न लगेको हो । पार्टीका प्रवक्ता डा. प्रकाशशरण महतले कांग्रेसले पछिल्लो समयमा भएका राजनीतिक घटनाक्रमबारे जानकारी लागेको कार्यालयका मुख्य सचिव कृष्णप्रसाद पौडेलले बताए ।

मुख्य सचिव पौडेलका अनुसार प्रवक्ता महतले गत मंसिर ४ को निर्वाचन र अहिलेको समसामयिक विषयमा धारणा सार्वजनिक गर्न पत्रकार सम्मेलन आयोजना गरेको हो। मुख्य सचिव पौडेलले भने, ‘चुनावको बेला पार्टीको प्रचार समितिका सदस्यहरुले आ–आफ्नो क्षेत्रबाट भूमिका निर्वाह गर्नुभयो, नेपाली कांग्रेसलाई पहिलो पार्टी बनाउन सहयोग गर्नुभयो भनेर धन्यवाद दिने कार्यक्रम पनि छ ।’

निर्वाचनमा नेपाली कांग्रेस, माओवादी केन्द्रलगायतका दलहरु गठबन्धन गरेर चुनाव लडेका थिए । चुनावको परिणामपछि माओवादी केन्द्रले गठबन्धन तोडेर नेकपा एमालेको समर्थनमा सरकारको नेतृत्व गरेको छ । कांग्रेस नेतृत्वमाथि गठबन्धन जोगाउन नसकेको आरोप लाग्दै आएको छ ।

nepalone