स्वदेश फिर्ता भए सभामुख देवराज घिमिरे

काठमाडौं – सङ्घीय संसद्, प्रतिनिधिसभाका सभामुख देवराज घिमिरे स्वदेश फर्किएका छन् । फागुन २७ देखि चैत १ गतेसम्म बहराइनको मानामामा आयोजना भएको अन्तर व्यवस्थापिका सङ्घको १४६औँ महासभामा सहभागी हुन गएका घिमिरे आज स्वदेश फर्किएका हुन् ।

स्वदेश फर्किए लगत्तै त्रिभुवन अन्तर्राष्ट्रिय विमानस्थलको मिडिया कक्षमा पत्रकारसँग कुरा गर्दै उनले भने, “महासभाको उद्घाटनको अर्को दिन मैले नेपालका तर्फबाट सम्बोधन गर्ने क्रममा हाम्रो देशको संसद्को भूमिका, सङ्घीय संसद्को दोस्रो निर्वाचनपछि गर्ने काम र संविधानलगायतका बारेमा आफ्ना कुरा राखेँ ।”