काठमाडौं  / कर्णाली प्रदेशको मुख्यमन्त्रीमा नेकपा माओवादी केन्द्रका नेता राजकुमार शर्मा नियुक्त भएका छन्। माओवादी केन्द्र कर्णाली प्रदेशका संसदीय दलका नेता शर्मालाई बुधबार प्रदेश प्रमुख तिलक परियारले नेपालको संविधानको धारा १६८ को उपधारा २ बमोजिम मुख्यमन्त्रीमा नियुक्त गरेका हुन्।

शर्माले माओवादीका १३, एमालेका १०, राप्रपाका १, समाजवादीको १ गरी २५ सांसदको समर्थनसहित दाबी पेस गरेका थिए।

माओवादीको पोलिटब्युरो सदस्यसमेत रहेका शर्मा रुकुम पश्चिम ख बाट प्रदेशसभा सदस्यमा निर्वाचित भएका हुन्। कर्णालीको नेतृत्व माओवादी र एमालेले आधा-आधा गर्ने गरी सहमति गरेका छन्।