वि.सं.२०८३ साल वैशाख १० गते । बिहीबार । 

आजको राशिफल

मेष (चू, चे, चो, ला, लि, लू, ले, लो, अ)

छोटो दूरीको रमाइलो यात्रा हुनेछ। अध्ययनका कारण पनि यात्रा पर्न सक्छ। लामो समयपछि आफन्त–मित्रसँग भेट हुँदा मन खुशी हुनेछ। खाद्यान्न, गरगहना वा निर्माण सामाग्री व्यापारबाट राम्रो धन लाभ प्राप्त हुनेछ। प्रेम सम्बन्धमा अनुकूलता रहनेछ, र जीवनसाथीको सहयोगले नयाँ काम सुरु गर्न सकिनेछ। बैंक, वित्तीय क्षेत्र वा शेयर बजारमा गरिएको लगानी लाभदायक हुनेछ।

वृष (ई, ऊ, ए, ओ, वा, वी, वू, वे, वो)

समयअनुसार सिर्जनात्मक विचार उत्पन्न हुने भएकाले धेरैको मन जित्न सकिनेछ। आफन्तसँग मिलेर सुरु गरिएको काम सफलतापूर्वक अघि बढ्नेछ, आर्थिक सुधार हुनेछ। प्रेम जीवनमा रोमाञ्च बढ्नेछ। गीत–संगीत तथा मोडलिङ क्षेत्रमा अपेक्षित आम्दानी हुनेछ। सबैको सहयोग पाउने भएकाले प्रतिष्ठित काम गर्ने अवसर बढ्नेछ। बोलचालसँग सम्बन्धित पेशा–व्यवसाय फस्टाएर जानेछ।

मिथुन (का, की, कू, घ, ङ, छ, के, को, हा)

पुराना कामबाट लाभ पाउने समय आएको छ। व्यापार र शेयर बजारबाट राम्रो नाफा हुनेछ। समयको सदुपयोग गर्दै सृजनात्मक काम गरी सामाजिक प्रतिष्ठा बढाउन सकिनेछ। साथीहरूबाट सहयोग मिल्नेछ। प्रेम जीवनमा अनुकूलता रहँदा नयाँ प्रस्ताव पनि आउन सक्छ। विद्यार्थीहरूले पढाइमा राम्रो प्रगति देखाउनेछन्।

कर्कट (ही, हू, हे, हो, डा, डी, डु, डे, डो)

धार्मिक तथा सामाजिक कार्यमा व्यस्त रहने दिन। आम्दानीका स्रोत सक्रिय हुने भएकाले खर्च सहजै धान्न सकिनेछ र केही बचत पनि बन्नेछ। पढाइमा समय दिएमा राम्रो परिणाम हात लाग्नेछ। प्रेममा एकअर्कालाई बुझ्न केही समय लागे पनि सम्बन्ध मजबुत बन्छ। विदेश यात्रा वा विदेशमा बस्नेहरूका लागि समय प्रभावकारी छ।

सिंह (मा, मी, मू, मे, मो, टा, टी, टू, टे)

पैतृक वा प्राकृतिक स्रोत–साधनको प्रयोगबाट आम्दानी वृद्धि हुनेछ। पारिवारिक इच्छा–आकांक्षा पूरा गर्न सकिनेछ। शिक्षा तथा शेयर बजारबाट लाभ प्राप्त हुनेछ। प्रेम सम्बन्ध बलियो बन्दै जानेछ, जीवनसाथीको सहयोगले काममा सफलता मिल्नेछ। राजनीति वा समाजसेवामा सक्रिय हुनेहरूको समय शुभ छ। खानपान र मनोरञ्जनमा समय बित्नेछ।

कन्या (टो, पा, पी, पू, ष, ण, ठ, पे, पो)

पढाइमा मन जानेछ, अध्ययनकै क्रममा यात्रा हुन सक्छ। राज्य संरचनाभित्र बसेर काम गर्ने अवसर आउनेछ। शुभचिन्तकको सल्लाह उपयोगी रहनेछ। व्यापार तथा शेयर बजारको लगानी भविष्यमा राम्रो आम्दानीका रूपमा फिर्ता हुनेछ। प्रेममा भावना साटासाट गर्न अनुकूल समय। नयाँ काम वा जागिरमा बढुवा पाउने सम्भावना छ।

तुला (रा, री, रु, रे, रो, ता, ती, तू, ते)

व्यापार तथा शेयर बजारमा गरिएको लगानी भविष्यमा राम्रो नाफा दिनेछ। अनुसन्धान तथा खोज क्षेत्रमा उत्कृष्ट प्रगति हुनेछ। विशिष्ट व्यक्तिसँग नजिकिन पाउने अवसर मिल्नेछ। प्रेमी–प्रेमिकाका लागि रमाइलो यात्राको योग छ। सामाजिक तथा परोपकारी काममा मन जानेछ, धार्मिक वा शैक्षिक यात्रा पनि हुन सक्छ।

वृश्चिक (तो, ना, नी, नू, ने, नो, या, यी, यू)

नसोचेको धन–सम्पत्ति प्राप्त हुने सम्भावना। आफन्त तथा दिदीबहिनीबाट आर्थिक सहयोग मिल्नेछ। खोजमूलक काममा रुचि बढ्नेछ, पुराना काम सम्पन्न हुनेछन्। पढाइ वा अन्य कामकै कारण देश–विदेश यात्रा हुन सक्छ। मन्दिर तथा धार्मिक स्थलको यात्रा शुभ रहनेछ। समाजसेवा तथा सकारात्मक कार्यबाट प्रतिष्ठा बढ्नेछ।

धनु (ये, यो, भा, भी, भू, ध, फा, ढा, भे)

लगनशीलता र इमानदारिताले दैनिकीमा सुधार हुनेछ। अध्ययनमा सफलता मिल्नेछ। भौतिक सम्पत्ति वा सवारीसाधनको प्रयोगबाट आर्थिक लाभ हुनेछ। प्रेममा समीपता बढ्नेछ। खानपान, मनोरञ्जन तथा यात्रामा समय खर्च हुनेछ। व्यापारको लगानीबाट राम्रो आम्दानी हुनेछ, व्यापारकै क्रममा लामो यात्रा हुन सक्छ।

मकर (भो, जा, जी, जू, जे, जो, ख, खू, खे, खो, गा, गी)

प्रतिस्पर्धामा जित प्राप्त हुनेछ। तपाईँका आलोचकहरू पछि हट्नेछन्। न्यायिक निर्णयहरू तपाईँकै पक्षमा आउनेछन्। पुराना ऋण तथा रोगहरूमाथि नियन्त्रण मिल्नेछ। अध्ययनमा अपेक्षाअनुसार सफलता प्राप्त हुनेछ। प्रेम जीवन अनुकूल। व्यापारमा गरिएको लगानीबाट भविष्यमा राम्रो नाफा हुनेछ।

कुम्भ (गू, गे, गो, सा, सी, सू, से, सो, दा)

ज्ञान तथा बुद्धिमत्ताको सही प्रयोगले चुनौती हट्दै जानेछन्। बौद्धिक प्रतिस्पर्धामा सफलता मिल्नेछ। मनपर्ने व्यक्तिबाट उपहार वा सम्पत्ति हात पर्न सक्छ। बैंक तथा वित्तीय पेसाबाट लाभ प्राप्त हुनेछ। सन्तानको सहयोगले काम सफल हुनेछ। शुभ–मंगलमय कार्यक्रममा सहभागिता र स्वादिलो भोजनको अवसर मिल्नेछ।

मीन (दी, दू, थ, झ, ञ, दे, दो, चा, ची)

भौतिक सम्पत्ति वा सवारी साधन प्राप्त हुने योग। धार्मिक वा सामाजिक क्षेत्रमा राम्रो काम गर्न सकिनेछ, जसबाट सम्मान बढ्नेछ। आमाको सहयोग वा परिवारजनको साथले लक्ष्य हासिल गर्न सजिलो हुनेछ। अध्ययनमा प्रगति हुनेछ, पढाइकै कारण लामो यात्रा हुन सक्छ। नयाँ काम वा नोकरीमा राम्रो स्थानान्तरणको सम्भावना छ।