काठमाडौं। पूर्वउपप्रधानमन्त्री एवं नेपाली कांग्रेसका वरिष्ठ नेता गोपालमान श्रेष्ठको स्मृतिमा शनिबार काठमाडौंको बसन्तपुरमा गाईजात्रा निकालिएको छ।

गत साउन १२ गते निधन भएका श्रेष्ठको सम्झनामा उनका आफन्त तथा शुभेच्छुकले गाईजात्रा निकालेका हुन्। गाईजात्रामा दिवंगत आफन्तको सम्झनामा गाई वा मानिसलाई गाईको प्रतीकका रूपमा सिँगारेर नगर परिक्रमा गराउने परम्परा छ।

नेपाली समाजमा गाईजात्रालाई दिवंगत आफन्तको सम्झना गर्ने तथा शोकलाई सांस्कृतिक रूपमा अभिव्यक्त गर्ने पर्वका रूपमा मनाउने गरिन्छ।

 
तस्बिर : नेपाल फोटो लाइब्रेरी