काठमाडौं । भोटेकोशी बाढी प्रभावित क्षेत्रमा उद्धार तथा राहतका लागि एकैपटक १५–२० वटासम्म हेलिकप्टर परिचालन भइरहेका बेला ती उडानलाई कसरी व्यवस्थित गरिन्छ भन्ने चासो बढेको छ।

त्रिभुवन विमानस्थलका हवाई ट्राफिक नियन्त्रक (एटीसी) प्रमुख देवेन्द्रप्रसाद श्रेष्ठका अनुसार उद्धार तथा राहतमा खटिएका हेलिकप्टरका पाइलटहरू एउटै साझा रेडियो फ्रिक्वेन्सीमा सम्पर्कमा रहन्छन्।

उनीहरूले उडानका क्रममा आफ्नो अवस्थिति, जाने दिशा र आसपासको हवाई ट्राफिकबारे एकअर्कालाई निरन्तर जानकारी गराउने गर्छन्। यसरी आपसी समन्वयबाटै पाइलटहरूले आवश्यक उडान दूरी कायम गर्दै हेलिकप्टर सञ्चालन गरिरहेको श्रेष्ठले बताए।

तस्वीर : नेपाल फोटो लाइब्रेरी