बसपार्कमा विश्वकर्मा पूजा [तस्वीरहरू]

Nepal One HD १ असोज २०८३ ११:१५

फोटोफिचर

काठमाडौं । विश्वकर्मा बाबाको पूजाको अवसरमा काठमाडौंको गोङ्गबुस्थित नयाँ बसपार्कमा बस चालक तथा बस धनीहरूले आ–आफ्ना सवारीसाधनको पूजा गरेका छन् ।

सवारीसाधन, मेसिन तथा औजारका देवताका रूपमा विश्वकर्मालाई पूजा गर्ने परम्पराअनुसार चालक तथा व्यवसायीहरूले बिहानै बस सफा गरी फूलमाला, अक्षता, टीका तथा प्रसाद चढाएर पूजा गरेका हुन् ।

सवारीसाधन सुरक्षित रहोस्, यात्रामा कुनै दुर्घटना नहोस् र व्यवसायमा सफलता मिलोस् भन्ने कामनासहित पूजा गरिएको छ ।

विश्वकर्मा पूजाका कारण नयाँ बसपार्क क्षेत्रमा बिहानैदेखि चहलपहल बढेको थियो । विभिन्न वर्कसप, ग्यारेज तथा यातायात क्षेत्रमा समेत विशेष पूजा तथा धार्मिक विधि सम्पन्न गरिएको छ ।

नेपालमा विश्वकर्मा पूजा विशेषगरी यातायात, उद्योग, कलकारखाना तथा प्राविधिक क्षेत्रमा संलग्न व्यक्तिहरूले श्रद्धापूर्वक मनाउने गर्दछन् ।