काठमाडौं । प्रधानमन्त्री वालेन्द्र शाह ‘बालेन’ले जेन्जी उमेर समूहका सांसदसँग विशेष अन्तरक्रिया सुरु गरेका छन्।

सिंहदरबारस्थित प्रधानमन्त्री तथा मन्त्रिपरिषद्को कार्यालयमा छलफल सुरु भएको हो।

बैठकमा डिजिटल सुशासन र नवीनतम प्रविधिबारे छलफल भइरहेको छ। युवा स्वरोजगार र स्टार्टअप नीतिबारे पनि विचारविमर्श भइरहेको प्रधानमन्त्रीको सचिवालयले जनाएको छ।

प्राविधिक शिक्षा र सर्वसुलभ स्वास्थ्य सेवाका विषयसमेत छलफलमा छन्। वातावरणीय सन्तुलन र दिगो विकासबारे पनि सांसदसँग सुझाव लिइँदैछ।

युवा पुस्ताका सांसदका सुझावलाई सरकारका नीति तथा कार्यक्रमसँग जोड्ने उद्देश्यले अन्तरक्रिया गरिएको सचिवालयले जनाएको छ।