चितवन। नारायणी नदीमा आएको बाढी नदी किनारको बस्तीमा पस्दा भरतपुर महानगरपालिका–१ का स्थानीय प्रत्यक्ष प्रभावित भएका छन्।

नदीको पानी बस्तीमा पसेपछि केही घरभित्र बाढी पसेको छ। घरभित्र पानी पसेसँगै सरसामानमा क्षति पुगेको छ भने स्थानीयले घरमा रहेका सामान सुरक्षित स्थानमा सार्न थालेका छन्।

बाढीका कारण यस आसपासका विद्यालयसमेत डुबानमा परेका छन्। बस्तीमा पानीको सतह बढ्दै गएपछि स्थानीय त्रसित बनेका छन्।

नदीको बहाव बढिरहेकाले थप जोखिम हुन सक्ने भन्दै स्थानीयले सतर्कता अपनाएका छन्।