काठमाडौं। सुनसरीको इटहरीमा ‘सीप तथा रोजगार मेला–२०८३’ सुरु भएको छ । ‘सीप र रोजगारीः साझा जिम्मेवारी’ नारासहित आजदेखि सुरु भएको मेला असोज २० गतेसम्म सञ्चालन हुनेछ ।

युवा, श्रम तथा रोजगार मन्त्रालयको आयोजना तथा कोशी प्रदेश सरकार र स्थानीय आठ पालिकाको सहकार्यमा मेला आयोजना गरिएको हो । मेलाको उद्घाटन सभामुख डोलप्रसाद अर्यालले गरेका छन् ।

श्रममन्त्री रामजी यादवको अध्यक्षतामा भएको उद्घाटन कार्यक्रममा उद्योग, वाणिज्य तथा आपूर्तिमन्त्री दीपककुमार साहलगायतको सहभागिता थियो ।

मेलामार्फत सीप तथा रोजगारीसँग सम्बन्धित अवसर र सेवाबारे जानकारी प्रदान गरिने आयोजकले जनाएको छ ।