रौतहट । नेकपा एकीकृत समाजवादीका अध्यक्ष माधवकुमार नेपालले आफूले कुनै अनुचित काम नगरेको र त्यस्तो कामलाई प्रोत्साहन पनि नगरेको बताएका छन् ।

पतन्जलि प्रकरणमा मुद्दा दर्ता भएपछि रौतहटमा पत्रकारहरुसँग कुरा गर्दै अध्यक्ष नेपालले पतन्जलि प्रकरणमा आफूले कुनै बदमासी नगरेको दाबी गरेका हुन् ।

पतन्जलिजस्तो संस्थामा त्यस्तो होला भन्ने आफूले कल्पना पनि नगरेको भन्दै अध्यक्ष नेपालले कसले लुपहोल राखेको भए आफूलाई जानकारी नभएको बताए ।

उनले आफू सधैं सुशासनको पक्षमा अडिग रहेकाले कसैले भ्रष्टाचारी सिद्ध गर्न नसक्ने भन्दै कार्यकर्तालाई निराश नहुन आग्रह गरे ।