रसुवा । भोटेकोशी बाढीबाट प्रभावित परिवारका सदस्यहरू आफन्तको उद्धार हुने आशामा रसुवास्थित श्रीनाथ गणबाहिर कुरेर बस्ने गरेका छन् ।

विभिन्न जलविद्युत् आयोजनाका सुरुङमा आफन्त फसेको भन्दै उनीहरूले तत्काल उद्धार गरिदिन सुरक्षाकर्मी र सम्बन्धित निकायसँग आग्रह गरिरहेका छन् । आफन्तको अवस्था अज्ञात भएपछि कतिपय परिवार चिन्तित हुँदै गणबाहिर उद्धारको खबर पर्खिरहेका छन् ।

बाढीबाट उद्धार गरिएका व्यक्तिहरूलाई नेपाली सेनाले श्रीनाथ गणमा ल्याउने भएकाले पनि आफन्त तथा प्रभावितहरूको यहाँ भीड लाग्ने गरेको छ ।

उद्धार टोलीबाट आउने हरेक खबरले उनीहरूमा आफन्त भेटिने आशा जगाउने गरेको छ ।