रसुवा। माथिल्लो त्रिशूली आयोजनाको सुरुङमा फसेकाहरूको उद्धारका लागि नेपाल आएको कोरियन विज्ञ टोली आवश्यक उपकरण अभावमा काम अघि बढाउन नसकी फिल्डबाट धुन्चे फर्किएको छ ।

सुरुङमा जमेको लेदो तथा भग्नावशेष हटाउन मिनी स्काभेटर र मड पम्प आवश्यक पर्ने भए पनि ती उपकरण उपलब्ध नभएपछि टोलीले तत्काल उद्धारको काम सुरु गर्न नसकेको हो ।

उद्धारका लागि फिल्डमा पुगेको कोरियन टोलीले स्थलगत अवस्थाको निरीक्षण गर्यो। तर आवश्यक उपकरण नभएका कारण सुरुङभित्र प्रवेश गरी काम अघि बढाउन सम्भव भएन। त्यसपछि टोली धुन्चे फर्किएको बताइएको छ ।

सुरुङमा फसेकाहरूको उद्धारका लागि यसअघि नै नेपाली सुरक्षाकर्मी तथा प्राविधिक टोली परिचालन भएका थिए।  लेदो र भग्नावशेषका कारण उद्धार चुनौतीपूर्ण बनेको थियो।

यद्यपि,आवश्यक उपकरण व्यवस्थापन गरी उद्धार कार्यलाई अघि बढाउने तयारी भइरहेको छ ।

तस्वीरहरू :

नेपाल फोटो लाइब्रेरी