काठमाडौं। भोटेकोशी बाढीबाट प्रभावित रसुवाको स्याफ्रुबेँसीबाट दुई महिनाको शिशुसहित एक परिवारको उद्धार गरिएको छ ।

बाढी प्रभावित क्षेत्रबाट उद्धार गरिएका उनीहरूलाई सुरुमा सदरमुकाम धुन्चे ल्याइएको थियो । त्यहाँबाट थप व्यवस्थापनका लागि परिवारलाई काठमाडौं ल्याइएको हो।

रसुवामा बाढीपछि प्रभावित तथा जोखिममा रहेका नागरिकको उद्धार कार्य जारी छ । उद्धारका लागि नेपाली सेना, नेपाल प्रहरी र सशस्त्र प्रहरीका टोली परिचालन भएका छन्।

यस्तै, भारत, चीन र दक्षिण कोरियाबाट आएका विशेषज्ञ टोलीसमेत प्रभावित क्षेत्रमा उद्धार तथा खोजी कार्यमा खटिएका छन् ।

तस्वीर: नेपाल फोटो लाइब्रेरी