पोखरा। बाढी प्रभावित विभिन्न जिल्लाबाट पोखरा ल्याइएका बेवारिसे शवमध्ये पहिचान हुन नसकेका ८३ शव जमिनमुनि व्यवस्थापन गर्न थालिएको छ ।

तनहुँ, गोरखा, धादिङ र पूर्वी नवलपरासीबाट ल्याइएका १ सय २ शवमध्ये १९ वटाको पहिचान खुलेको छ । बाँकी ८३ शवको डीएनए नमुना संकलन तथा ट्यागिङ गरेपछि पोखरा महानगरपालिका–१६ स्थित सेती नहर छेउको वन क्षेत्रमा व्यवस्थापन गर्न थालिएको हो ।

पहिचान हुन नसकेका शवलाई सुरक्षित रूपमा व्यवस्थापन गर्ने क्रममा सम्बन्धित विवरण र नमुना सुरक्षित राखिने जनाइएको छ ।

तस्वीर : नेपाल फोटो लाइब्रेरी