काठमाडौं । विनाशकारी प्राकृतिक विपद्बाट प्रभावित नागरिकको राहत तथा पुनःस्थापनाका लागि शंकर ग्रुपले प्रधानमन्त्री राहत कोषमा ४ करोड रुपैयाँ सहयोग गरेको छ। सोमबार ग्रुपकी निर्देशक दीपा अग्रवाल तथा वरिष्ठ व्यवस्थापन टोलीले अर्थमन्त्रीलाई उक्त रकमको चेक हस्तान्तरण गरेका हुन्।

यसअघि ग्रुपले गृह मन्त्रालयको समन्वयमा विस्थापित नागरिकका लागि २५ लाख रुपैयाँ बराबरका २ हजार ५ सय थान टार्पोलिन टेन्टसमेत उपलब्ध गराएको जनाएको छ। ग्रुपले बाढीपीडितको उद्धार तथा राहतमा खटिएका सुरक्षा निकाय, स्वयंसेवक र सरकारी अधिकारीप्रति आभार व्यक्त गर्दै आगामी दिनमा पनि सहयोगलाई निरन्तरता दिने प्रतिबद्धता जनाएको छ।