काठमाडौं । पृथ्वी राजमार्गको कृष्णभीरमा पहिरो पन्छाउने काम बल्ल तीव्र पारिएको छ।

पूर्वाधार विकास मन्त्री सुनिल लम्सालका अनुसार पहिरोको दुवैतर्फबाट काम अघि बढाइएको हो।

मन्त्री लम्सालले बिहीबार सामाजिक सञ्जालमार्फत पहिरोको दुवै छेउमा १८ जना खटाएर रुख काट्ने काम भइरहेको जानकारी दिए।

पहिरो पन्छाउन आवश्यक निर्माण उपकरणसमेत दुवैतर्फ तयारी अवस्थामा राखिएको उनले बताए।

उनका अनुसार रुख काट्ने काम सकिएलगत्तै निर्माण उपकरण परिचालन गरेर पहिरो हटाउने काम सुरु गरिनेछ।

सडक सञ्चालनलाई प्राथमिकतामा राखेर कामलाई तीव्रता दिइएको मन्त्री लम्सालको भनाइ छ।