काठमाडौं। त्रिशूली–३ ‘ए’ जलविद्युत् आयोजनाको सुरुङबाट बेपत्ता भएको नवौँ दिनमा जीवितै उद्धार गरिएका एक जनालाई थप उपचारका लागि काठमाडौं ल्याइएको छ।

उद्धार गरिएका उनलाई नेपाली सेनाको छाउनीस्थित अस्पतालमा लगिएको हो। उनको स्वास्थ्य अवस्थाबारे विस्तृत विवरण सार्वजनिक गरिएको छैन।

त्रिशूली–३ ‘ए’को सुरुङमा बाढीपछि फसेका व्यक्तिको खोजी तथा उद्धारका क्रममा उनलाई जीवितै बाहिर निकालिएको हो। लामो समयपछि जीवित उद्धार भएपछि उनलाई तत्काल स्वास्थ्य परीक्षण र उपचारका लागि काठमाडौं ल्याइएको हो।

तस्बिर : नेपाल फोटो लाइब्रेरी