काठमाडौं। सरकारको कामकारबाहीप्रति असन्तुष्टि जनाउँदै विरोध गरेपछि जेनजी आन्दोलनका घाइते पवन खड्कालाई प्रहरीले नियन्त्रणमा लिएको छ ।

नयाँ बानेश्वरस्थित पुरानो संसद भवनमा गृहमन्त्रीसहित मन्त्रीहरू सहभागी कार्यक्रममा खड्काले सरकारविरुद्ध आवाज उठाएका थिए ।

आफूहरूका लागि सरकारले केही नगरेको र आफ्ना कुरा राख्न पाउनुपर्ने भन्दै उनले विरोध जनाएपछि सुरक्षाकर्मीले उनलाई नियन्त्रणमा लिएका हुन् ।

जेनजी आन्दोलनमा घाइते भएका खड्काले कार्यक्रममा आफ्ना माग र पीडा सुनाउन खोजेका थिए । तर विरोध चर्किएपछि प्रहरीले उनलाई कार्यक्रमस्थलबाट हटाएको हो ।

आन्दोलनका क्रममा घाइते भएका व्यक्तिले नै सरकार सहभागी कार्यक्रममा विरोध जनाउँदै नियन्त्रणमा पर्नुले सरकारप्रति उनीहरूको असन्तुष्टि अझै कायम रहेको देखाएको छ ।

तस्बिर : नेपाल फोटो लाइब्रेरी