काठमाडौं। प्रधानमन्त्री बालेन्द्र शाह बुधबार प्रतिनिधिसभा बैठकमा अचानक देखिए ।

संसद् बैठकमा विरलै उपस्थित हुने प्रधानमन्त्री शाह राष्ट्रिय स्वतन्त्र पार्टीका सभापति रवि लामिछानेले सम्बोधन गर्ने बेला संसद् पुगेका हुन् ।

बुधबारको बैठकमा लामिछानेले विशेष समय लिएर सम्बोधन गर्ने कार्यसूची थियो । सोही क्रममा लामिछाने बोल्न थालेपछि प्रधानमन्त्री शाह पनि संसद् भवन पुगे ।

प्रधानमन्त्री शाह लामिछानेको सम्बोधन सुन्नकै लागि बैठकमा आएको देखिएको थियो । लामिछानेले आफ्नो सम्बोधन सकेलगत्तै प्रधानमन्त्री शाह पनि बैठकबाट बाहिरिएका थिए ।

प्रधानमन्त्रीको संसद् उपस्थितिलाई लिएर राजनीतिक वृत्तमा चासो बढेको छ ।

सामान्यतः प्रतिनिधिसभाको बैठकमा कमै देखिने शाह रविको सम्बोधनका क्रममा उपस्थित हुनु र सम्बोधन सकिएपछि बाहिरिनुलाई अर्थपूर्ण रूपमा हेरिएको छ ।