काठमाडौं। रसुवाको भोटेकोशी बाढीमा परी बेपत्ता भएकाहरूका परिवार र आफन्तले बुधबार माइतीघरमा प्रदर्शन गरेका छन्।

उनीहरूले माथिल्लो त्रिशूली–३ ‘ए’ को क्याम्पबाट बेपत्ता भएकाहरूको तत्काल खोजी गर्न र बाढी आउनुअघिको सीसीटीभी फुटेज सार्वजनिक गर्न माग गरेका छन्।

आफन्त खोजीका लागि दक्षिण कोरियाली निर्माण कम्पनी डोसानसँग आग्रह गर्दा ज्यान मार्ने धम्की दिएको र बाढी आउनुअघि आवश्यक सावधानी नअपनाएर कम्पनीले लापरबाही गरेको प्रदर्शनकारीहरूको आरोप छ।