पोखरा । पोखरा अन्तर्राष्ट्रिय विमानस्थलबाट दुबईका लागि नियमित अन्तर्राष्ट्रिय उडान सुरु भएको छ। फ्लाई दुबईले आजदेखि दुबई-पोखरा–दुबई रुटमा नियमित उडान थालेको हो।

फ्लाई दुबईको पहिलो उडानबाट पोखरा आउने तथा दुबई जाने यात्रुका परिवार र आफन्त विमानस्थलमा पुगेका छन्। उनीहरू विमानको प्रतीक्षामा विमानस्थल परिसरमा बसेका छन्।

तालिकाअनुसार फ्लाई दुबईको विमान साँझ ६ः१५ बजे पोखरा अन्तर्राष्ट्रिय विमानस्थलमा अवतरण गर्नेछ। विमान अवतरणको प्रतीक्षामा विमानस्थलमा यात्रुका आफन्त तथा शुभेच्छुकको चहलपहल बढेको छ।

पोखराबाट अन्तर्राष्ट्रिय नियमित उडान सुरु भएसँगै पोखरा र खाडी मुलुकबीचको हवाई सम्पर्क थप सहज हुने अपेक्षा गरिएको छ।