काठमाडौं । पछिल्लो २४ घण्टामा देशभर भएका विभिन्न सवारी दुर्घटनामा परी ६ जनाको मृत्यु भएको छ भने १३४ जना घाइते भएका छन्।

नेपाल प्रहरीका अनुसार कोशी प्रदेशमा सबैभन्दा बढी ३३ जना घाइते भएका छन् भने १ जनाको मृत्यु भएको छ। त्यस्तै काठमाडौं उपत्यकामा २७ जना घाइते भएका छन्।

मधेश प्रदेशमा २० जना, लुम्बिनीमा १५ जना, कर्णालीमा ११ जना, गण्डकीमा ८ जना, बागमतीमा ८ जना र सुदूरपश्चिम प्रदेशमा ६ जना घाइते भएका छन्।

मृत्यु हुनेमध्ये लुम्बिनी प्रदेशमा ३ जना, बागमती प्रदेशमा २ जना र कोशी प्रदेशमा १ जना रहेको विवरणमा उल्लेख छ।

यो विवरण २०८३ असोज ११ गतेको पछिल्लो २४ घण्टाको सवारी दुर्घटना सम्बन्धी हो।