काठमाडौं । नेपाली कांग्रेसको १५औँ महाधिवेशन उद्घाटनका लागि आइतबार खुलामञ्चमा नेताहरूको बाक्लो जमघट थियो। औपचारिक भाषण सुरु हुनुअघि नै मञ्चमा माल्यार्पणको चहलपहल चल्यो।

सभापति गगन थापाले कांग्रेसका संस्थापक तथा अग्रज नेताहरूको तस्बिरमा माल्यार्पण गर्दै महाधिवेशन उद्घाटन गरे। त्यसपछि दीप प्रज्वलन र बिरुवामा जल सेचन गरे।

उद्घाटन समारोहमा सहभागी विभिन्न दलका नेताहरूले पनि कांग्रेसका अग्रज नेताहरूको तस्बिरमा माल्यार्पण गरे। फरक दलका नेता एउटै ठाउँमा उभिएर श्रद्धा व्यक्त गरेको दृश्य खुलामञ्चको आकर्षण बन्यो।

यता खुलामञ्चमा नेता, प्रतिनिधि र अतिथिको आउजाउसँगै भेटघाट र कुराकानी पनि बाक्लिएको थियो।

भाषण सुरु हुनुअघि नै महाधिवेशनस्थल राजनीतिक भेटघाटको केन्द्र बनेको थियो।