काठमाडौं । नेपाली कांग्रेसको १५औँ महाधिवेशनको बन्द सत्र सुरु हुनुअघि केन्द्रीय समिति बैठक बसिरहेको छ।

बन्द सत्रमा प्रस्तुत हुने विषय तथा महाधिवेशनका अन्य आवश्यक तयारीबारे छलफल गर्न केन्द्रीय समिति बैठक बसेको हो।

महाधिवेशन उद्घाटन समारोह सम्पन्न भएपछि कांग्रेस नेताहरू केन्द्रीय समिति बैठकमा जुटेका हुन्। बैठकपछि बन्द सत्र सुरु हुने तयारी छ।

कांग्रेसको १५औँ महाधिवेशन काठमाडौंमा जारी छ। उद्घाटन समारोहमा विभिन्न राजनीतिक दलका शीर्ष नेताहरूले सम्बोधन गरेका थिए।