काठमाडौं । नेपाली कांग्रेसका क्रियाशील सदस्यको संख्या ९ लाख ६९ हजार ८४२ पुगेको छ। पार्टी प्रवक्ता देवराज चालिसेले सोमबार पत्रकार सम्मेलनमार्फत पछिल्लो विवरण सार्वजनिक गरेका हुन्।

कांग्रेसको १४औँ महाधिवेशनका बेला क्रियाशील सदस्य संख्या ८ लाख ७० हजार रहेको थियो। त्यसयता करिब १ लाख सदस्य थपिएका छन्।

प्रवक्ता चालिसेका अनुसार नयाँ पुस्ता, विशेषगरी जेनजी उमेर समूहलाई पार्टीमा जोड्ने र उनीहरूलाई केन्द्रीय समितिसम्म ल्याउने योजना अघि बढाएसँगै सदस्य संख्या बढेको हो।

कांग्रेसले नयाँ पुस्ताको सहभागिता बढाउने उद्देश्यले सदस्यता विस्तारलाई प्राथमिकता दिएको जनाएको छ।