काठमाडौं – कास्कीको पोखरा महानगरपालिका–२८ स्थित ओख्ले भीरमा विद्यार्थी बोकेको स्कुल बस दुर्घटनामा परेको छ। बसमा चालक र सहचालकसहित २५ जना सवार रहेको प्रारम्भिक विवरण छ, जसमध्ये २१ जना कक्षा १० का विद्यार्थी छन्।

परीक्षाका लागि ट्युसन पढ्न जाने क्रममा बिहान भएको दुर्घटनापछि स्थानीय र सुरक्षाकर्मीले उद्धार सुरु गरेका छन्। हालसम्म १८ जनाभन्दा बढीलाई उद्धार गरी गण्डकी अस्पताल पठाइएको छ। घटनास्थलमा उद्धार जारी रहेकाले क्षतिको यकिन विवरण आउन बाँकी छ।