काठमाडौं । नेकपा एकीकृत समाजवादीका सम्मानित नेता झलनाथ खनालले महासचिव घनश्याम भुसाललाई अध्यक्षमा समर्थन गर्ने विषयमा कुनै समझदारी नभएको खनालको सचिवालयले जनाएको छ ।

बुधबार साँझ खनालका स्वकीय सचिव कृष्ण भट्टराईले विज्ञप्ति जारी गरी खनाल र भुसालका बीचमा पार्टीको राजनीतिक, वैचारिक कार्यदिशामा एकमत भएर जाने समझदारी बनेपनि अन्य विषयमा कुनै सहमति नभएको बताएका हुन् । बुधबार दिउँसो विभिन्न संचारमाध्यममा खनालले भुसाललाई अध्यक्षमा समर्थन गरेको समाचार आएका थिए ।