काठमाडौँ । सुनको मूल्य बिहीबार तोलामा दुई हजार दुई सय रुपैयाँले घटेको छ । नेपाल सुनचाँदी व्यवसायी महासङ्घका अनुसार बुधबार प्रतितोला एक लाख ६२ हजार दुई सयमा कारोबार भएको छापावाला सुन बिहीबारका लागि एक लाख ६० हजार रुपैयाँ निर्धारण भएको छ ।

यस्तै, चाँदीको मूल्य तोलामा ३५ रुपैयाँले घटेको छ । बुधबार प्रतितोला एक हजार नौ सय ४० रुपैयाँ मा कारोबार भएको चाँदी बिहीबारका लागि भने एक हजार नौ सय पाँच रुपैयाँ निर्धारण भएको महासङ्घले जनाएको छ ।