काठमाडौं । नेकपा एमालेको सचिवालय बैठक अचानक स्थगित भएको छ । अध्यक्ष केपी शर्मा ओलीको स्वास्थ्यमा समस्या देखिएपछि आजको बैठक स्थगित भएको उपमहासचिव विष्णु रिमालले नेपाल जानकारी दिएका छन् ।

अचानक अध्यक्ष ओली अस्वस्थ भएको खबर आएपछि बैठकमा सहभागी हुन भक्तपुरको गुण्डु जाँदै गरेका नेताहरू बाटैबाट फर्किएका छन् ।शुक्रबारको बैठकमा रातिसम्म ८ घण्टाभन्दा बढी बसेकाले थकित भएकाले आज आराम गरेर भोलि बैठक निरन्तर रहने रिमालले बताए । भोलि ११ बजेदेखि बस्ने गरी खबर आएको एक सचिवले जानकारी दिए ।