काठमाडौं । नेकपा एमालेको केन्द्रीय कार्यालय सञ्चालनमा आएको छ । जेनजी आन्दोलनका क्रममा प्रदर्शनकारीले च्यासलमा रहेको केन्द्रीय कार्यालय आगजनी गरेपछि पाल टाँगेर कार्यालय सुचारु गरेको एमाले नेता विष्णु रिजालले बताएका छन् ।

भदौ २४ गते जेनजी आन्दोलनले उग्ररूप लिँदा एमालेसहित अधिकांश पार्टीका केन्द्रीय कार्यालय, शीर्ष नेताहरूको घर आगजनी र तोडफोड भएको थियो ।

आन्दोलनको झण्डै डेढ महिनापछि एमालेले पाल टाँगेर कार्यालय सञ्चालनमा ल्याएको हो । पाल टाँगेर केन्द्रीय कार्यालय सुचारु गर्न आज उपमहासचिव विष्णु रिमाल, नेताहरू भानुभक्त ढकाल, राजन भट्टराईलगायत नेताहरू पुगेका थिए ।