काठमाडौं । श्रीलंकामा यसै हप्ता आएको भीषण बाढी–पहिरोका कारण कम्तीमा ५६ जनाको मृत्यु भएको छ भने २१ जना बेपत्ता भएका छन् । विपद् व्यवस्थापन केन्द्र (डीएमसी) का अनुसार, चिया बगान जिल्ला बदुल्लामा राति पहिरोमा २१ जनाको मृत्यु भएको हो ।

सामाजिक सञ्जालमा रहेका भिडिओमा बाढीले घरहरू बगाइरहेको देखिन्छ । पीडित परिवारहरूका लागि अस्थायी आश्रयहरू स्थापना गरिएको छ । श्रीलंकाले शुक्रबार चक्रवात दिटवाह पूर्वी तटमा पुग्ने अनुमानले तयारी तीव्र पारेको छ । दिटवाहा सुरुमा पूर्वी तट नजिकै गहिरो डिप्रेसनका रूपमा सुरु भएको थियो । पछि यो द्रुत गतिमा चक्रवातमा परिणत भयो । यो भारतीय तटमा पनि आइपुग्ने अनुमान गरिएको छ ।