काठमाडौं । नेकपा एमालेका अध्यक्ष केपी शर्मा ओलीले आत्मआलोचनाका नाममा अरूका एजेण्डा बोकेर हिँडेको भन्दै नेताहरूप्रति असन्तुष्टि व्यक्त गरेका छन् । भृकुटीमण्डपमा आज बसेको केन्द्रीय कमिटी बैठकमा बोल्दै अध्यक्ष ओलीले केही नेताहरूले अरूका एजेण्डा बोकेको आरोप लगाएका हुन् । ‘आत्मआलोचनाका नाममा अरूका एजेण्डा बोकेर हिँठेका छन्,’ अध्यक्ष ओलीले भने, ‘भदौ २३ र २४ गतेको आन्दोलनपछि कतिपय हाम्रै साथीहरूले तत्कालीन प्रधानमन्त्रीले अध्यक्षबाट पनि राजीनामा दिनुपर्छ भने । यो कुरा विपक्षी दलहरूले भन्न सकेका थिएनन्, मिडियाले पनि भनेको थिएन । अरूका एजेण्डा बोकेर हाम्रै साथीहरू हिँडे ।’

खिमलालले अघि सारे विधान संशोधनको प्रस्ताव
नेकपा एमालेको जारी केन्द्रीय कमिटी बैठकमा पोलिटब्युरो सदस्य खिमलाल भट्टराईले विधान संशोधनको प्रस्ताव अघि सारेका छन् । उनले १०औं महाधिवेशनको विधानलाई नै कायम गरेर जानुपर्ने । आवश्यक परे अझ थपेर जाऔँ भन्दै विधान संशोधनको प्रस्ताव गरेका छन् । उनको प्रस्तावमा समर्थन जनाउँदै अहिले विशाल भट्टराईले आफ्नो कुरा राखिरहेका छन् ।