झापा । नेकपा एमालेका अध्यक्ष केपी शर्मा ओलीका चुनावी कमाण्डर देवेन्द्र दाहालले झापा ५ मा विकासका विरुद्ध प्रोपोगन्डाको लडाईं भएको बताएका छन् । पूर्व प्रधानमन्त्री, मन्त्री, सांसदको हैसियतमा केपी ओलीले गरेका कामको फेहरिस्त यहाँका जनताले उपभोग गरिरहेकाले प्रोपोगन्डामा उनीहरुले विश्वास नगर्ने दाहालले बताए । केही व्यक्तिहरु सामाजिक सञ्जालमा जनतालाई भ्रम छर्ने प्रयास गरे पनि त्यसलाई स्थानीयबासीले राम्ररी बुझेको उनको भनाइ छ ।

‘सामाजिक सञ्जालमा फैलाइएका हल्ला चिर्नु हाम्रो दायित्व हो’, पार्टी केन्द्रीय सदस्य समेत रहेका दाहालले प्रचार समितिको बैठकमा बोल्दै दाहालले भने, ‘एमालेले फिजिकल्ली काम गरेको छ । डिजिटल्ली फैलाइएका अफवाहको जवाफ जनताले नै दिन्छन् ।’ झापा ५ मा एमालेलाई बिगतको मतान्तर घटाउने छुट नभएको भन्दै उनले देशी विदेशीको घेराबन्दीका विरुद्ध एमाले एकताबद्ध हुनुपर्ने दाहालको भनाइ छ । दाहालले झापा ५ मा वडा, टोल र घरघर केन्द्रीत अभियान सुरु गरिसकेको बताएका छन् ।