काठमाडौं – गृहमन्त्री सुदन गुरुङले त्रिशूली–३ए सुरुङमा उद्धार कार्य अघि बढेको जानकारी दिएका छन्।

सामाजिक सञ्जालमार्फत सार्वजनिक सूचना जारी गर्दै उनले उद्धार टोली सुरुङको माथिल्लो भाग (क्राउन) सम्म पुग्न सफल भएको बताएका हुन्।

उनका अनुसार सुरुङमा बनाइएको सानो प्वालबाट हावा पठाउन सुरु गरिएको छ। अब उक्त स्थानबाट खन्ने काम अघि बढाएर उद्धार टोलीलाई सुरुङभित्र पठाउने तयारी भइरहेको गृहमन्त्री गुरुङले जानकारी दिएका छन्।