सिरहा । राष्ट्रिय परिचयपत्र बनाउन जिल्ला प्रशासन कार्यालय सिरहामा सेवाग्राहीको ठूलो भीड लागेको छ ।

दैनिक दुईदेखि साढे दुई सय जनाको विवरण दर्ता गर्ने व्यवस्था भए पनि निर्धारित संख्याभन्दा बढी सेवाग्राही आउने गरेका कारण कार्यालयमा चाप बढेको हो ।

बिहानैदेखि लाइनमा बसेका सेवाग्राही दिनभर कुर्न बाध्य छन् । साना बालबालिका च्यापेर समेत सेवाग्राही सेवा लिन पुगेका छन् ।

त्यसमाथि सर्भर सुस्त हुने तथा पटक-पटक अवरुद्ध हुने समस्याले फोटो खिचाउन र बायोमेट्रिक दिन पुगेका कतिपय सेवाग्राही काम पूरा नगरी फर्किनुपरेको छ ।

 
तस्बिर : नेपाल फोटो लाइब्रेरी