आइतबार बिहान आन्तरिक पर्यटन प्रर्वदानार्थ गर्ने उदेश्यकासाथ आयोजना गरिएको हाइकिङ कार्यक्रममा एमाले पोलिटब्युरो सदस्य महेश बस्नेत, राष्ट्रिय युवा संघ नेपालका केन्द्रीय अध्यक्ष किरण पौडेल, एमाले भक्तपुरका अध्यक्ष, बचन देउवा, पर्यटन प्रहरीसहित सयौँ युवाहरूको उपस्थिति थियो ।

गुण्डुको रातोपाटीबाट सुरु भएको हाइकिङ, विभिन्न ठाउँहरूको अवलोकनसहित रिसाइल डाँडातिर लागेको थियो ।
रिसाइलडाँडाबाट काठमाडौँ, ललितपुर र भक्तपुरको सुन्दर दृश्यका साथै सुन्दर र मनोरम हिम ऋखंलाको अवलोकन गर्न सकिन्छ । रिसाइ डाँडा काठमाडौँ उपत्यकाको दक्षिणपूर्ण कुनामा, ललितपुर जिल्लाको पूर्वी छेउमा र ऐतिहासिक लाकुरी भञ्ज्याङको विपरीत स्थानमा छ । यो एक प्रसिद्ध पिकनिक स्थल हो ।

यस बिन्दुबाट सूर्यको उदाउँदो र अस्ताउँदो जादुमय दृश्यहरू देख्न सकिन्छ । रमणीय हरियो वनस्पति र सधैँ मुस्कुराउने र सहयोगी स्थानीय मानिसहरूको साथै स्थानीय खानको परिकारको स्वाद चाँख्न चाहनेहरूका लागि यो एक एक राम्रो गाउँको साथ अद्भुत मनोरम पहाडी दृश्यहरूले भरिएको ठाउँ हो।

रिसाइलडाँडा पुग्ने बाटो सामान्यतया एक दिनको पैदल यात्रा हो। यस ठाउँमा पुग्न विभिन्न मार्गहरू छन्। यो रिङ रोड ग्वार्कोबाट ११ किलोमिटर, भक्तपुरमा रहेको साँगाबाट करिब १० किलोमिटर र गोदावरीबाट करिब ११ किलोमिटर टाढो छ ।

रिसाइल डाँडा प्रकृतिको आनन्द लिन, आराम गर्न र अचम्मको दृश्यमा डुब्न चाहनेहरूका लागि जन्मजात प्रसिद्ध छ ।
आकर्षक गन्तव्य स्थल रिसाइलडाँडाको पर्यटन प्रर्वद्घनमा सहयोग पुर्‍याउने उद्देश्यका साथ हाइकिङ कार्यक्रम राखिएको युवा संघका केन्द्रीय अध्यक्ष किरण पौडेलले जानकारी दिनुभयो ।