काठमाडौं – नक्कली भुटानी शरणार्थी प्रकरणमा पक्राउ पर्ने डरले फरार रहेको आरोप खेप्दै आएकी नेपाली कांग्रेसका सांसद मञ्जु खाण संसदमा उपस्थित भएकी छन् ।

सङ्घीय संसद्को आज बसेको संयुक्त बैठकमा सांसद खाण उपस्थित रहेको संसद् सचिवालय स्रोतले पुष्टि गरेको छ । स्रोतले  भन्यो, ‘माननीयज्यू आज सांसदमा उपस्थित हुनुहुन्छ । उहाँले हाजिर गर्नुभएको छ ।’

राष्ट्रपति रामचन्द्र पौडेलले आज संसद्को संयक्त बैठकमा सरकारको आगामी आर्थिक वर्षको नीति तथा कार्यक्रम पेस गर्दैछन् ।

शरणार्थी प्रकरणमा मञ्जु खाणका श्रीमान् बालकृष्ण खाण प्रक्राउ परेपछि उनी फरार रहेको आरोप लाग्दै आएको थियो ।